Adnoddau Ar-lein yn y Gymraeg

Cyfieithiad CKFinder yn Gyflawn

2011-12-29T22:55:00.001Z

Dwi newydd wedi gorffen cyfieithu fersiwn newydd CKFinder - teclyn rheoli ffeiliau ar gyfer CKEditor. Nid yw wedi'i rhyddhau eto, ond rwyf yn ei ddisgwyl yn fuan.

Gwefan CKFinder
Gwefan CKEditor

Nid yw CKFinder yn rhad ac am ddim, ond mae modd prynu trwydded i'w ddefnyddio ($59 wrth i mi ysgrifennu hwn).
Dylai'r ffeliau cymorth Cymraeg fod yn gyflawn ymhen sawl wythnos unwaith i'r fersiynau newydd gael eu cynhyrchu gan Frederico.

RockMelt - Porwr Webkit Newydd(ish)

2011-11-30T22:52:00.001Z

Jest pan roeddwn i'n meddwl nid oedd modd ffeindio lle ar y bwrdd gwaith am borwr arall des i ar draws RockMelt (wwwww). Mae RockMelt yn fath o hybrid rhwng Chrome a Safari - wel, i'w ddisgwyl efallai gan ei fod wedi'i adeiladu ar Webkit/Chromium.

Dwi'n ei weld yn handi iawn - negeseuon amser go iawn yn dod trwodd a nifer o ffynonellau. Gallaf weld pa rai o'n ffrindiau sy arlein (FB) ac mae modd agor ffenestr sgwrsio / anfon neges.

Oes unrhyw un arall wedi dod ar draws hwn neu'n ei ddefnyddio?

CKeditor yn Gyflawn

2011-11-26T21:01:00.002Z

Dwi newydd wedi gorffen cyfieithu (i ryw siâp) CKEditor ar Transifex:

https://www.transifex.net/projects/p/ckeditor/

Dyma golygydd testun WYSIWYG i osod ar eich gwefan. Mae'n weithredol gyda Wordpress, Joomla a Sharepoint. Os hoffai unrhyw un cynnig gwelliannau i'r gwaith, grêt!

Golyga hyn fod y 'nightly builds' ar wefan CKeditor yn cynnwys y fersiwn diweddaraf o'r pecyn iaith ac mae modd ei lawrlwytho.

http://nightly.ckeditor.com/

Problemau 'Ball and Stick' mewn Accelrys Discovery

2011-07-16T14:17:00.002+01:00

Wedi hala sawl awr yn ceisio â darganfod pam roedd atomau 'ball and stick' mewn Accelrys Discovery ddim yn ymddangos. O'r diwedd cês hyd i'r ateb yma:

https://community.accelrys.com/message/9263#9263

Felly ar gyfer unrhyw un arall â'r un broblem. Gwnewch hyn - dad-ddewiswch y maes "Use OpenGL Shaders":

O'r diwedd!

Systemau Metrig ac Imperial

2011-06-17T00:01:00.001+01:00

Wrth drafod ein system mesur gyda myfyrwyr heddiw, ceisiais ag esbonio pa mor hawdd yw mesur mewn modfeddau oherwydd bod modd eu haneru'n hawdd.

"Paid â sôn" oedd yr ymateb.

Ceisiais â ffeindio fideo ar YouTube i ddangos pa mor ddefnyddiol oedd (yw?) yr hen system. Yn anffodus, yr un cyntaf a welais oedd yr un isod. Dwi ddim yn meddwl byddaf yn cyflwyno'r syniad hwn eto!

Cyfieithydd Cemeg Newydd

2011-06-05T14:09:00.002+01:00

Gwnes greu gyfieithydd enwau cemegol rhyw amser yn ôl, ond roedd yn araf iawn ac yn wallus oherwydd yr algorithm (php) a 'sgwennais (str_replace). Dwi nawr wedi ei hailwampio gan ddefnyddio preg_replace. Mae hwn yn meddwl mae'n rhaid gwneud llawer llai o gylchoedd. Yn ogystal â hyn, nid yw'r fersiwn newydd yn mofyn data o gronfa ddata, felly, dylai fod hyd yn oed yn gynt.

Dyma fe:

Mae dal mewn cyflwr cyntefig ar y funud, ond unwaith i mi ychwanegu mwy o dermau, offer cemegol a thechnegau, gallaf ei gosod mewn pecyn i unrhyw un ddefnyddio, os oes galw.

Caiff unrhyw adborth ei werthfawrogi.

DS: mae rhai problemau i'w sortio gyda 'di' i 'deu', 'de' i 'dad' ac ambell term yn cynnwys sylweddau ïodin. Codai'r rhain oherwydd hyd y darnau a'r posibilrwydd o'u camgyfieithu (e.e. di mewn iodine a geiriau eraill). Parhaf i ffidlan!

Awgrymiadau Grooveshark

2011-05-21T16:09:00.000+01:00

Diolch i Llusi am yr awgrymiadau. Wedi derbyn 90%+ ohonyn nhw!

Gwnes i drio beidio â chyfieithu'n lythrennol er mwyn osgoi 'rhedeg allan o le'. Felly, maddau i mi am beidio â derbyn rhai o'r awgrymiadau er eu bod yn cyfieithiadau mwy cywir na'r caciaith a oedd gen i!

Yn anffodus, oherwydd fy mod wedi prosesu'r holl awgrymiadau, maen nhw wedi diflannu. Yr un olaf dwi'n cofio gwneud oedd 'Trefnu gan' -> 'Trefnu yn ôl', ar y 3ydd/4ydd tudalen dwi'n meddwl.

Cyfieithiad Grooveshark

2011-05-17T15:40:00.000+01:00

Newydd wedi gorffen cyfieithu Grooveshark! O'r diwedd...

Beth bynnag, os oes rhywun am wirio fy nghyfieithu brwnt, a chynnig unrhyw welliannau, bydde hwnna'n grêt.

http://translate.grooveshark.com/cy/flex/messages.po?view_mode=translate

Mae'n wir i ddweud 'dwi wedi defnyddio ambell air rhyfedd:

mudanu - to mute
ffefrynnu - favorited

Os oes gwelliannau / cywiriadau hoffwn eu clywed.

Diolch.

Grooveshark

2011-05-07T23:09:00.001+01:00

Pellach i'm post y bod Grooveshark yn atal eu gwasanaeth tu hwnt i'r UDA, dwi wedi cael cadarnhad o'r cwmwi taw rhwtsh llwyr yw hwn. Felly, gwnaf gredu ynddyn nhw am nawr a mynd ati i fuddsoddi amser i greu rhestrau chwarae. Mae "groovylists" ar gael sydd yn trosi rhestrau chwarae Spotify i Grooveshark. Dwi wedi gwneud hyn gydag ychydig o lwyddiant. Gwnaeth tua 70% o'r caneuon drosi'n llwyddiannus. Ddim rhy ffôl.

Ger llaw, dwi wrthi ar hyn o bryd yn cyfieithu Grooveshark i'r Gymraeg. Mae fersiwm Android wedi'i chyflawni. Dwi tua 50% cyflawn ar y fersiwn ar-lein a'r fersiwn iPhone (jailbreak).

Dylwn i orffen erbyn diwedd wythnos nesaf. Er, lan i Grooveshark pryd bydd y cyfieithiadau'n ymddangos.

Spotify Wedi Striwa

2011-05-02T23:36:00.002+01:00

Efallai eich bod chi wedi clywed - dyw Spotify ddim yn wasanaeth rhad ac am ddim yn bellach. Wel, 10 awr y mis yn unig, ond 'dyw hynny ddim werth i neb. Felly, es ati i ddarganfod safleoedd eraill sydd yn cynnig yr un fath o wasanaeth, h.y. chwarae yr hyn rydych chi eisiau, nid aros am ambell gân i ddod lan bob hyn a hyn ar rhyw 'orsaf' neu 'sianel'.

Er bod llawer o safleoedd ar gael, dwi wedi dod lan â'r 3 ar y brig (YFMI).

Grooveshark: http://grooveshark.com

Yr enwog Grooveshark - yn cynnwys AC/DC hefyd!

MFlow (Prydain yn unig): http://beta.mflow.com/

mflow - digonedd o gerddoriaeth

Musicuo (Sbaeneg, ond dim problem gyda Google Chrome a Translate): http://www.musicuo.com/

Musicuo - pert iawn hefyd

Rhwng y 3 ohonyn nhw, gallaf chwarae bron 90% o'r cerddoriaeth ar fy rhestrau chwarae Spotify.
Mae sôn bydd Grooveshark yn codi arian am wasanaethau tu hwnt i'r UDA ymhen amser, er dwi heb ffeindio gwybodaeth bendant am hyn 'to.
Wel, dyna fy 2c i beth bynnag. Rhywun arall yn gwybod am wasanaethau tebyg?

George Karloff neu Boris Clooney?

2011-04-16T17:56:00.003+01:00

Ife fi yw e? Wastod wedi meddwl eu bod nhw'n perthyn. Weles i 'The American' neithiwr, ac am yr holl amser, roeddwn yn meddwl, be ddiawl? Boris wedi dychwelyd o'r bedd.

Croen Rainlendar 2 yn y Gymraeg

2011-03-13T09:21:00.004Z

Mae prif groen Rainlendar 2 (Shadow-4) nawr ar gael yn y Gymraeg:

Felly, mae cyfieithiad Rainlendar 2 nawr yn gyflawn.

http://www.rainlendar.net/cms/index.php

Gwgl yn Rhyddhau'r Ffermwr Gwallgof

2011-03-10T22:35:00.003Z

Ydych chi wedi sylwi ar y canlyniadau rhyfedd sydd yn dod o Gwgl y dyddie 'ma? Wel, gwanaethon nhw, yn eu doethineb, ryddhau'r diweddariad Farmer ar y byd diwedd mis diwethaf.

Mae llwyth o wefannau nawr wedi llithro heibio ochr y Ddaear. Mae adroddiad gwych arno yma:

http://www.daniweb.com/internet-marketing/search-engine-optimization/news/350575

gan Davey Winder, un o'm hoff sgrifennwyr ar faterion technolegol. O leiaf mae'r llun yn dangos gwisg traddodiadol Cymreig!

Mae hyd yn oed gwefannau enwog fel Daniweb wedi dioddef yn arw. I nifer o fusnesau bychain, gall y diweddariad hwn fod yn drychinebus, gyda llawer o gwsmeriaid yn canfod gwefannau amgen.

Os ydych chi'n meddwl eich bod chi wedi'ch effeithio, ewch at: http://www.google.com/support/forum/p/Webmasters/thread?tid=76830633df82fd8e&hl=en er mwyn cwyno.

Rainlendar 2

2011-03-09T19:12:00.005Z

Dwi newydd wedi gorffen cyfieithu Rainlendar 2 (http://www.rainlendar.net/cms/index.php).

Calendr a rheolwr tasgau i'ch bwrdd gwaith (desktop) yw hwn. Dyw'r crwyn heb eu cyfieithu gan yr awdur eto, felly mae'r delweddau enw dydd/mis dal yn y Saesneg. Serch hynny, gallwch ddefnyddio'r rhaglen fel y mae tan i'r croen gael ei ddiweddaru.

Gallwch lawrlwytho'r ffeil iaith o fan'ma: http://www.rainlendar.net/cms/index.php?option=com_rny_localization

Creu Bysellfwrdd Eich Hunain Gyda MSKLC

2011-02-08T19:29:00.012Z

**Ar gyfer y rheiny ohonoch sydd heb NumLock ar eich cyfrifiadur**

Yn dilyn fy mhost diwethaf, efallai bod rhai angen creu bysellfyrddau eu hunain. Felly, dyma ychydig o gamau i ganiatàu hyn:

1. Ewch i http://msdn.microsoft.com/en-us/goglobal/bb964665 a lawrlwytho'r pecyn [MSKLC.EXE (10.1MB)].

2. Rhedwch y ffeil a myned i mewn i'r broses arsefydlu. Dylech weld rhywbeth fel hwn:

3. Mae modd seilio'ch bysellfwrdd ar fysellfwrdd sy'n bodoli eisoes, ond dwi'n mynd i ddechrau un o'r newydd. Yn gyntaf newidiwch briodweddau'r bysellfwrdd (Project > Properties).

Mae'n bwysig eich bod yn dewis 'Welsh' o'r maes 'Language'.

4. Yn gyntaf llenwch y nodau 'plaen' sydd yn bresennol ar eich cyfrifiadur. Dyma'r dewisiadau diofyn a Shift States: Shift.

5. Nawr gallwch lenwi'r Alt+Ctrl (AltGr).

Bydd eich bysellfwrdd chi yn wag, ger llaw - heb unrhyw allweddau wedi'u lliwio.

6. Dewiswch allwedd (e.e. 2 - er mwyn creu cyfres o allweddau diaresis, e.e. ä, ë...).

Rhowch y rhif i'r blwch a dewis All...

7. Dewiswch Dead Key View, Dead Key drws nesaf i'r alt+ctrl+(key) a phwyso'r botwm (...).

8. Nesaf, llenwch y data priodol. Gallwch gael y codau o CharMap ar Windows (ac ar ddiwedd yr erthygl hon):

9. Ailadroddwch y cam hwn gydag allweddau eraill (e.e. ¦ 6 ' , #) a'u hacenion (e.e. à â á ç ã) .

10. Dylech gadw'r ffeil hwn o dro i dro (File > Save Source File).

11. Nawr, dewiswch Project > Validate Layout a Project > Test Keyboard Layout.

12. Unwaith bod popeth yn iawn, dewiswch Project > Build DLL and Setup Package. Bydd hwn yn creu ffolder o ffeiliau. Unwaith eich bod yn barod i'w arsefydlu, rhedwch y ffeil setup.exe. Dylai hwn arsefydlu'r bysellfwrdd yn awtomatig.

** Os oes gwall - posib eich bod wedi creu'r ffolder hwn o'r blaen - os felly cadwch y bysellfwrdd o dan enw arall neu gallwch ddileu'r hen fersiwn.

Bàs	grom (â)	ddyrchafiedig (á)	ddisgynedig (à)	diaresis (ä)	tild (ã)	sedila (ç)
A	U+00c2	U+00c1	U+00c0	U+00c4	U+00c3
C						U+00c7
E	U+00ca	U+00c9	U+00c8	U+00cb
I	U+00ce	U+00cd	U+00cc	U+00cf
O	U+00d4	U+00d3	U+00d2	U+00d6	U+00d5
N					U+00d1
U	U+00db	U+00da	U+00d9	U+00dc
W	U+0174	U+1e82	U+1e80	U+1e84
Y	U+0176	U+00dd	U+1ef2	U+0178
a	U+00e2	U+00e1	U+00e0	U+00e4	U+00e3
c						U+00e7
e	U+00ea	U+00e9	U+00e8	U+00eb
i	U+00ee	U+00ed	U+00ec	U+00ef
o	U+00f4	U+00f3	U+00f2	U+00f6	U+00f5
n					U+00f1
u	U+00fb	U+00fa	U+00f9	U+00fc
w	U+0175	U+1e83	U+1e81	U+1e85
y	U+0177	U+00fd	U+1ef3	U+00ff

Acenion i Gliniaduron heb NumLock

2011-02-05T21:50:00.016Z

Gwnes brynu gliniadur i'r mab ychydig yn ôl (Dell Inspiron 1545). Yn anffodus, nid oes NumLock ar y bysellfwrdd. Mae hwn yn golygu does dim modd defnyddio'r llinellau tarw i gynhyrchu nodau fel Â, ẅ, ỳ, Ú. Hyd yn hyn, roedd yn rhaid iddo ddefnyddio'r CharMap a chopïo a gludo o fanna. Potsh llwyr.

Wel, des i ar draws MSKLC (The Microsoft Keyboard Layout Creator) heddiw. Rhaglen gan Microsoft yw hwn sydd yn gadael i chi adeiladu 'hotkeys' arbennig. Gwnes gysylltu'r holl acenion i'r allwedd AltGr.
Dyma'r acenion sydd yn y ffeil zip: AEIOUWYaeiouwy crymion, disgynedig, dyrchafedig, diaraesis; ANOano tild (~), Cc sedila.

Gallwch ei lawrlwytho yma.

Dadbaciwch y ffeil i rhyw ffolder o'ch dewis a dylech weld rhywbeth fel hyn:

Er mwyn arsefydlu'r pecyn, rhedwch y ffeil setup.exe. Dyna'r cyfan sydd angen ei wneud.

Os ydy iaith eich cyfrifiadur wedi'i gosod i Saesneg (EN), bydd yn rhaid i chi osod hwn i'r Gymraeg (CY). Fel rheol mae'r bar iaith i'w weld ar waelod y sgrin.

Er mwyn mewnosod acenion, bydd angen pwyso:

AltGr + 6 ac yna pwyso'r llafariad (e.e. AltGr + 6, a = â)
AltGr + 2 ac yna pwyso'r llafariad (e.e. AltGr + 2, E = Ë)
AltGr + ' ac yna pwyso'r llafariad (e.e. AltGr + ', u = ú)
AltGr + ¦ ac yna pwyso'r llafariad (e.e. AltGr + ¦, y = ỳ)
AltGr + , ac yna pwyso C neu c (Ç neu ç)
AltGr + # ac yna pwyso ANOano (e.e. AltGr + #, N = Ñ)

Na fydd y bysellfwrdd hwn yn gweithio os ydy'r iaith wedi'i gosod i EN.

*PWYSIG - ar gyfer bysellfyrddau heb NumLock yn unig.

SpicyNodes

2010-11-11T21:38:00.006Z

Wedi cyfieithu rhyngwyneb rheolyddion i SpicyNodes (spicynodes.org). Gallwch nawr osod yr iaith yn y Gymraeg.

Dyma enghraifft gyflym.

Y Mab ar Ddiwedd y Byd

2010-09-20T20:37:00.004+01:00

Cafodd rhaglen o'r enw "Diwedd y Byd" ei darlledu ar S4C heddiw. Y mab, Llewelyn a dau o'i ffrindiau yn cystadlu ar ran Ysgol Gyfun Llanhari.

http://www.s4c.co.uk/clic/c_level2.shtml?programme_id=411517537

Diwedd annwyl, doedd dim cliw gen i ar rai o'r cwestiynau!

//GOLYGU

Mae'r rhaglen hon nawr wedi dod i ben ar Clic!

screencast.com

2010-09-19T11:59:00.003+01:00

Gwnes i gofrestru gyda screencast sbel yn ôl, ond heb ei ddefnyddio tan nawr. Y bwriad yw i gynnal fideos o foleciwlau heb orfod eu gwesteio fy hun.

Dyma enghraifft o fideo 'embed' screencast:

Your browser cannot play this video. Learn how to fix this.

Fel gallwch weld, dyw e ddim yn ffôl. Er mae'r bar rheoli ychydig yn fawr i mi. Mae teclyn reli defnyddiol gan TechSmith o'r enw Jing.

Mae Jing yn eich caniatàu i recordio'r sgrin, golygu'r animeddiant, cymryd sgrinluniau a'u golygu ac yna eu lanlwytho i'ch cyfrif Screencast.

Fideo Moleciwlau trwy Camtasia

2010-09-16T16:43:00.004+01:00

Wedi cynhyrchu'r moleciwl (gweler y post diwethaf), mae modd ei animeiddio mewn Discovery Studio, gan ddewis View > Spin. Yn anffodus dim ond yn lorweddol mae'n troelli - methu â gweld ffordd i'w droi ar echelin penodol.

Beth bynnag, defnyddiais Camtasia Studio oddi wrth TechSmith er mwyn cymryd fideo syml ohono. Gallwch ddefnyddio unrhyw recordydd sgrin i wneud hyn.

Accelrys Discovery Studio

2010-09-10T19:52:00.007+01:00

Wedi bod ym Mhrifysgol Caerdydd heddiw yn mynychu cwrs i fyfyrwyr UG Cemeg. Cafodd ei gynnal gan Peter Hollamby ac Eurig Thomas. Ardderchog (eto) - diolch bois. Beth bynnag, yn dilyn trafodaeth ddifyr gyda Peter am adeiladu a chynrychioli moleciwlau, es ati i lawrlwytho meddalwedd rhad ac am ddim o'r enw Discovery Studio gan Accelrys.

Dwi wedi bod yn defnyddio ChemSketch gan ACDLabs (hefyd yn rhad ac am ddim) ers achau, ond heb fod wedi gallu cael allbwn dechau - mae'r lluniau a'r animeiddiad yn weddol sylfaenol. Y dechneg a ddangosodd Peter i mi oedd:

1) Adeiladu moleciwl yn y ffordd arferol mewn ChemSketch.

2) Dewis 3d-Optimization.

3) Cadw'r ffeil fel MDL (*.mol).

4) Agor y ffeil mewn Discovery Studio.

5) Dewis 'Display Style' (Scaled Ball and Stick, Ultra-High, Chalk,) ac edrych ar y canlyniad.

6) Troi'r moleciwl i'r agwedd a ddymunwyd.

7) Chwyddo'r olwg felly ei bod mor fawr â sy'n bosib.

8) Cadw'r ffeil fel PNG gyda chydraniad (lled) o 2000px.

Creu 2-hydrocsipropanal mewn Chemsketch

Trosi ffeil MDL mewn Discovery Studio

Y ffeil PNG wedi'i mewnforio i Powerpoint a'r cefndir du wedi'i osod i dryloyw

Efallai mae'n edrych fel lot o waith, ond mae'r allbwn llawer yn well na hwnnw o ChemSketch. Sylwch hefyd ei fod yn dangos bondiau dwbl - nid yw ChemSketch yn gwneud hyn.

Gwnaeth yr holl broses gymryd 2 funud - o ddifri!

Dwi'n mynd ati i geisio â chreu fideo o'r moleciwl yn troelli gyda BBFlashBack Express - recordiwr sgrin rhad ac am ddim. Mae hwn yn cadw ffeiliau ar ffurf AVI a SWF.

Os oes gennych feddalwedd fel Camtasia gan TechSmith, gallwch gadw'r fideo mewn sawl fformat ychwanegol. Gwnaf ei bostio pan gaf amser.

HootSuite i'r Hen Fwyaren

2010-09-01T20:31:00.003+01:00

Newydd wedi dod ar draws HootSuite fel 'dashboard' ar gyfer Twitter/Facebook a nifer eraill. Am fanylion pellach: http://haciaith.com/2010/08/31/hootsuite-yn-chwilio-am-gyfieithwyr/

Dwi newydd wedi gorffen cyfieithiad HootSuite for BlackBerry. Unrhyw un am wirio fy nonsens?

http://translate.hootsuite.com/cy/HootSuite_BlackBerry/cy.po/translate/

Facebook - Cymraeg yn cael ei gadael ar ôl

2010-07-22T22:10:00.004+01:00

Galw gwirfoddolwyr

Darllenwyr blogiadur.com yn arbennig!

Yn dilyn gwaith gwych cychwynnol gan gyfieithwyr, mae'n ymddangos 'dyw Facebook ddim am sefyll yn ei unfan yn hir. Rhagor o dermau a brawddegau i'w cyfieithu yn gyson. Yn bresennol, mae rhyw 500 o dermau sydd heb gyfieithiad. 'Dwi wedi bod ati yn ychwanegu rhai a sylwi bo nifer o'r cofnodion hyn yn ddyblygiadau o'r rhain sydd yn bodoli yn barod. Mae FB hyd yn oed yn adnabod hyn ac yn cynnig 'clic' i'w cynnwys - dim teipio o gwbl!

Os oes 2 funud sbar 'da chi, beth am gyfieithu rhyw 10 cofnod?

Ewch yma

Coppermine 1.5x

2010-07-21T22:40:00.003+01:00

Yn dilyn fy nghyfieithiad diwethaf, 'dwi wrthi'n ceisio â chyflawni'r fersiwn cyfredol cyn i mi fynd bant ar fy ngwyliau. 'Dwi ddim yn hyderus! Gyda 2500+ o frawddegau a thermau (1100 i fynd!), mae'n edrych fel cymerais y dasg mewn ofer. Beth bynnag, 'dwi'n rhagweld bydd y cyfieithiad yn barod erbyn mis Medi.

I'r rheiny ohonoch sy heb gliw am Coppermine - pecyn oriel ffoto rhad/ddim. Dyma gipolwg:

Fel gallwch weld rhyw dreial bach yw hwn a gynlluniais ar gyfer gyfer maes-e. 'Dyw hwn ddim i feddwl bydd maes-e yn derbyn oriel ddelweddau!

Adnoddau Golygu Fideos YouTube

2010-07-16T21:38:00.006+01:00

Yn dilyn hunllef - lawrlwytho fideos FLV o YouTube gyda 'Internet Download Manager', trosi'r fideos i format MP4 gyda Miro Convertor, eu golygu gyda Pinnacle Studio a'i cadw nôl i MP4, yna defnyddio @Super i'w trosi nôl i FLV - roedd yn rhaid darganfod gwell ffordd o wneud pethau.

Wel, ocei, gallwn fod wedi defnyddio gwefan i lawrlwytho'r fideo a'i drosi i MP4 mewn un cam. Ond ni fyddai hwnna'n sortio'r gweddill.

Pam oeddwn am wneud hwn? Stori hir, ond yn fras, roeddwn yn cynhyrchu rhaglen 'University Challenge' ar gyfer fy nisgyblion, ac roedd angen clipiau fideo ('trailers') fel "Beth yw enw'r ffilm hwn?" neu "Beth a ddigwyddodd nesaf" ac yn y blaen. Pam FLV? Roedd yn rhaid defnyddio chwaraewr fideo FlowPlayer (rhad/ddim), sy ond yn chwarae FLV, fel y rhan fwyaf o chwaraewyr fideo ar-lein. Yr unig beth a oedd angen gwneud oedd trimio darn bychan o fideo o'r gwreiddiol. Swnio eitha syml? Wel, gallwch weld o'r uchod, yr holl ffaff ac ati.

Yn dilyn ymchwil ar y we, dês ar draws y ddwy raglen ganlynol (rhad/ddim):

1. Moyea Youtube FLV Downloader (http://www.exp-flv.com/flv-downloader/)

2. FLV Editor Lite (http://www.exp-flv.com/flv-editor/)

Os ydych yn arsefydlu'r ddwy raglen, gallwch lawrlwytho fideo gan osod yr URL i'r lawrlwythwr. Os ydych am ei olygu, gallwch ddewis yr opsiwn hwn o dan Library > Movie. Mae hwn yn agor y Golygydd yn awtomatig. Llusgwch y fideo o'r panel ar y top i lawr i'r llinell amser (timeline). Nawr mae modd cropio a chadw.

Honci Tonc

2010-07-14T20:22:00.002+01:00

Y mab (11) yn mynd amdani:

http://www.youtube.com/watch?v=jVje1Fiz-_c

PTABLE yn y Gymraeg

2010-07-13T23:38:00.003+01:00

Rwyf wedi bod yn gweithio gyda chrëwr PTABLE, Michael Dayah i gyflwyno fersiwn Gymraeg o'r adnodd cemeg. Er, nid yw'r fersiwn yn gyflawn eto - cafodd rhai o'r elfennau eu camsillafu, rhai termau dal yn cael eu gwirio (ac yyb), gallwch ei brofi nawr, ar http://www.ptable.com/?lang=cy. Dyma sgrinlun:

Trosydd Fideo Miro

2010-06-09T20:20:00.004+01:00

Mae Miro newydd wedi rhyddhau trosydd fideo rhad ac am ddim ar gyfer Windows a'r Mac. Wedi gweithio ar gyfieithiad y chwaraewr fideo 'Miro Player', gallaf dystio o ran ansawdd eu meddalwedd.

Gallwch ddod o hyd ato yma.

Mae modd trosi'r ffeiliau i MP4, Theora Ogg, WebM (ac i sain MP3) o'r canlynol:

AVI
H264
MOV
WMV
XVID
Theora
MKV
FLV
MP4

Dyma sgrinlun:

Pam ydy IE mor crap?

2010-06-08T17:19:00.011+01:00

[os ydych yn darllen hwn ar blogiadur.com - ni fydd yn gwneud llawer o synnwyr oherwydd nid yw'n gallu copïo'r CSS gwreiddiol]

Ife jest fi yw e? Dwi wedi danto'n llwyr gyda phroblemau CSS mewn IE. Mae erioed wedi bod 5 blynedd tu ôl i bawb arall, ond nawr fy mod am chwarae gyda rhai agweddau o CSS3, mae'r porwr diawledig hwn yn tynnu oddi ar f'ymdrechion eto.

A ydych chi'n gallu gweld y cysgod yma? text-shadow

Os na - mae'n rhaid eich bod chi'n defnyddio IE ac yn haeddu slap!

A ydy'r ddau flwch isod yn edrych yn unfath?

:enabled
:disabled

Os ydyn nhw - yep - IE eto - sbwriel llwyr.

Dewiswch rhan o'r llinell isod:

Dewiswch ran o hwn i weld newid - CSS llwyr - dim JS ::selection a ::-moz-selection

Ddim yn newid i liw coch? Wel dyna'r gosb am ddefnyddio porwr crap.

Pwyswch ar y ddelwedd i weld y gwir

Creu 'NavBar' ar Blogger (Labelau)

2010-06-07T10:29:00.023+01:00

Dwi ddim yn gwybod os fel fi, rydych wedi danto gyda chyfyngiadau teclynnau fel Blogger. Rwyf wedi ceisio â gosod pyst mewn i gategorïau ers dro, ond ar ôl ymchwil, rwyf wedi darganfod nid oes modd defnyddio 'tudalennau' (PAGES) i wneud hyn. Dim ond data statig sydd modd ei osod ar y tudalennau hyn - felly dim defnydd.

Yna, wrth lwc, gwelais ategyn LABELS. Nawr, dwi'n hoffi potshan gyda CSS, felly roedd newid yr olwg yn beth cymharol hawdd i'w wneud, ar ôl tua 100 fersiwn hap a damwain!

Camau
1) Yn eich tab 'Layout' ychwanegwch 2 ategyn - 'Text' a 'Labels'.

2) Golygwch yr ategyn 'Text' fel yr isod - gan roi URL eich hunain wrth gwrs. Peidiwch â rhoi unrhyw 'Title'.

3) Sicrhewch fod gennych labelau ar gyfer eich pyst - yn enwedig y rheiny hoffwch ddangos dan y categori (eitem ar y NavBar). Dylech wahanu labelau gyda choma (,). Dwi wedi clywed dylech ddefnyddio cyn lleied o labelau â sy'n bosib - rhywbeth i wneud â rancio SEO mewn Gwgl - er dwi ddim yn dilyn lan ar hwn. Yn wir, dwi'n gosod rhyw 4 label ar y mwyaf, gyda un neu ddau o'r rheiny yn gategorïau (eitemau NavBar).

4) Golygwch yr ategyn 'Labels'. Gallwch newid y gosodiadau i rywbeth fel y canlynol:

Gallwch weld bod dim 'Title'. Dwi wedi dewis 'Selected Labels', neu bydd pob un label yn ymddangos yn y NavBar. O ran y drefn, dwi wedi mynd am 'By Frequency', er ni fydd gwahaniaeth i'r olwg o ran CSS. Mae'r olwg 'List' wedi'i dewis - felly bod modd delio'n haws gyda'r CSS. Yn bersonol, dwi ddim eisiau 'Show number of posts per label'.

5) Golygwch eich labelau i'w dangos gan bwyso'r ddolen, 'edit'.

6) OK, dyna'r gwaith gosod wedi'i wneud, nawr i'r CSS. Edrychwch ar eich tudalen a dylech weld ychydig o lanastr ar y dudalen. Edrychwch ar y dudalen mewn 'View Source' yn eich porwr, felly bod modd i chi weld yr HTML. Dylech ddod o hyd at enwau yn debyg i hyn:

Ar gyfer y testun hafan: <div class='widget Text' id='Text1'>

Nodwch yr enw ar gyfer yr 'id'.

7) Ewch i'r tab 'Layout' > 'Edit HTML'. O dan y teitl, 'Edit Template', ewch i'r blwch golygu a chwilio am ddiwedd rheolau CSS y templed - cyn:

]]></b:skin>
</head>

8) Pastiwch hwn uwchben y cod uchod:

.list-label-widget-content{
margin:0; padding:0; 
}
.list-label-widget-content ul{
margin:0; padding:0;
text-align: left;
}

.list-label-widget-content li{
padding-left:0;
margin-left:0;
list-style: none;
float:left;
padding-right:20px;
font-size: 20px;
}

.status-msg-wrap{
display:none;
}

#Text1{
width: 90px;
float: left;
font-size: 20px;
}

Yn amlwg - bydd y CSS yn gorfod newid, yn dibynnu ar y templed rydych yn defnyddio. Sylwch enw #Text1 - hwn yw'r 'id' o'r tag div yng ngham 6. Mae'r rheolau CSS eraill yn ymwneud â threfnu'r rhestr labelau yn daclus.

Cofiwch eich bod yn profi unrhyw newid i'ch CSS mewn cynifer o borwyr ag sy'n bosib.

Wrth gwrs, gallwch hefyd greu NavBar gan law gyda dolenni yn cyfeirio at labelau (urls) penodol. Mae hwn jest yn ffordd gymharol hawdd i gael NavBar i fyny'n gyflym heb orfod potshan gormod gydag (X)HTML. Efallai gwnaf bostio datrysiad gan law rhywbryd...

jQuery Datepicker

2010-06-07T03:03:00.001+01:00

Wedi cynhyrchu ffeil iaith ar gyfer y Gymraeg i'r datepicker mewn jQuery (jQuery UI). Dyma'r JS:

Enw'r ffeil yw jquery.ui.datepicker-cy.js.

/* Welsh/UK initialisation for the jQuery UI date picker plugin. */
/* Alan Davies */
jQuery(function($){
 $.datepicker.regional['cy'] = {
  closeText: 'Iawn',
  prevText: 'Cynt',
  nextText: 'Nesaf',
  currentText: 'Heddiw',
  monthNames: ['Ionawr','Chwefror','Mawrth','Ebrill','Mai','Mehefin',
  'Gorffennaf','Awst','Medi','Hydref','Tachwedd','Rhagfyr'],
  monthNamesShort: ['Ion', 'Chwe', 'Maw', 'Ebr', 'Mai', 'Meh',
  'Gor', 'Aws', 'Med', 'Hyd', 'Tach', 'Rhag'],
  dayNames: ['Dydd Sul', 'Dydd Llun', 'Dydd Mawrth', 'Dydd Mercher', 'Dydd Iau', 'Dydd Gwener', 'Dydd Sadwrn'],
  dayNamesShort: ['Sul', 'Llun', 'Maw', 'Mer', 'Iau', 'Gwe', 'Sad'],
  dayNamesMin: ['Su','Ll','Ma','Me','Ia','Gw','Sa'],
  weekHeader: 'Wy.',
  dateFormat: 'dd/mm/yy',
  firstDay: 1,
  isRTL: false,
  showMonthAfterYear: false,
  yearSuffix: ''};
 $.datepicker.setDefaults($.datepicker.regional['cy']);
});

Mae angen gosod y ffeil hwn o dan y ffolder ui/i18n.
Agor i welliannau.

phpMyAdmin ar y ffordd

2010-06-06T23:11:00.012+01:00

Rwyf wedi cychwyn ar gyfieithiad fersiwn diweddaraf phpMyAdmin, GUI ar-lein ar gyfer cronfeydd data MySQL. Gallwch weld y cynnydd yma.

Datganiadau
9% cyflawn ar 8/6/2010

Rheoli Aml-CSS heb Cwcis

2010-06-06T22:27:00.010+01:00

Cefais gwestiwn ar Daniweb yn ddiweddar yn gofyn sut oedd modd dewis ffeil CSS ar hap ac yna cadw'r dewis hwnnw wrth bori'r safle. Syml - pHp a 'sessions' - ond ymateb y postiwr oedd - "beth sy'n digwydd os ydy cwcis wedi'u hanalluogi?" Hmmm. Ar ôl llawer o feddwl, des i'r canlyniad o greu dewisydd os oedd cwcis ar gael a fel arall darparu css diofyn.

Mae'r datrysiad yn cynnwys ychydig o javascript (a gymerais o quirksmode). Dyma'r cod i unrhyw un â diddordeb:

Ar ben pob tudalen

<?php
  include('ffeil_newid_css.php');
?>

Mewn ardal head pob tudalen

<link id="css" type="text/css" href="<?php echo $ffeil_css;?>" rel="stylesheet" rev="stylesheet" media="screen" />
<script type="text/javascript" src="gwirydd.js"></script>

Ffeil gwirydd.js

function createCookie(name,value,days) {
if (days) {
var date = new Date();
date.setTime(date.getTime()+(days*24*60*60*1000));
var expires = "; expires="+date.toGMTString();
}
else var expires = "";
document.cookie = name+"="+value+expires+"; path=/";
}

function readCookie(name) {
var nameEQ = name + "=";
var ca = document.cookie.split(';');
for(var i=0;i < ca.length;i++) {   var c = ca[i];   while (c.charAt(0)==' ') c = c.substring(1,c.length);   if (c.indexOf(nameEQ) == 0) return c.substring(nameEQ.length,c.length);  }  return null; }   function eraseCookie(name) {  createCookie(name,"",-1); } createCookie('boo','boovalue',1); if(readCookie('boo')){  eraseCookie('boo'); }else{  document.getElementById('css').href = 'diofyn.css';
}

Mae'r cod uchod yn dangos diofyn.css fel y ffeil css ddiofyn i'w dangos os ydy cwcis wedi'u hanalluogi.

Ffeil ffeil_newid_css.php

<?php
session_start();
if(!isset($_SESSION['css']) || $_SESSION['css'] == 'diofyn.css'){
$css_list = array("llachar.css","tywyll.css","lliwgar.css");
$int = mt_rand(0, count($css_list)-1);
$_SESSION['css'] = $css_list[$int];
} 
$ffeil_css = $_SESSION['css'];
?>

Yn amlwg - ni fydd hwn yn gweithio os nac ydy Javascript wedi'i alluogi!

Dileu Ubuntu o System Gic Ddeuol

2010-05-28T18:35:00.004+01:00

O bois bach! Fe lwythais Ubuntu a llwythwr GRUB i'm gliniadur rhyw 2 blynedd yn ôl, gan feddwl 'dau fys i ti Mr. Gates'. Yn anffodus, ni weithiodd allan felna. Gormod o broblemau gyda dreifyrs, sganiwr, argraffydd ac ati ddim yn gweithio. Yn y pen draw, anwybyddais yr OS a defnyddio Vista yn unig. Y peth diawledig oedd bod GRUB yn llwytho yn ddiofyn a bod Ubuntu yn cymryd hanner fy ddisgen galed (ymraniad [partition] 120Gb).

Edrychais am oesoedd er mwyn dod o hyd at ffordd o dynnu Ubuntu heb ladd y system. Dwi'n falch i ddweud fy mod wedi llwyddo, diolch i sawl gwefan.

Dyma'r camau allweddol os ydych am dynnu Ubuntu/GRUB o system gic ddeuol. Dwi'n deall ei fod yn gweithio mewn ffordd debyg gyda Windows 7 ac XP hefyd.

Tynnu Ubuntu a GRUB
1. Gosod DVD arsefydlu Vista a'i gicio (rhedeg y DVD wrth ddechrau'r cyfrifiadur).
2. Pwyso unrhyw allwedd ar 'Press any key to boot from a CD or DVD'.
3. Dewis Iaith ac Amser ....
4. Dewis 'Repair your computer' (chwith ar waelod y sgrin 'Install now').
5. Ar ôl gwiriad, bydd deialog 'System Recovery Options' yn ymddangos.
6. Mewn 'System Recovery Options', dewiswch 'Windows Vista', ac yna 'Next'.
7. Pwyswch 'Command Prompt'.
8. Teipiwch Bootrec.exe /fixmbr ac yna pwyswch ENTER.
9. Teipiwch exit ac yna pwyswch ENTER.
10. Dewiswch 'Startup Repair' mewn 'System Recovery Options'.
11. Ailddechreuwch y cyfrifiadur.

Dylai Windows ddechrau'n normal.

Newid yr Ymraniadau.
1. Teipiwch diskmgmt.msc i'r blwch rhedeg/chwilio yn y dewislen 'Start'.
2. Dylech weld rhyw 3 (tua!) ymraniad heb ddisgrifiad - dyma'r ymraniadau sy'n ymwneud â Linux.
3. Bydd y rhai Windows yn dangos NTFS neu EISA.
4. Gwnewch 'Delete volume' ar bob un o'r ymraniadau Linux (clic-dde).
5. Yna bydd un ymraniad mawr gyda llinell werdd arno yn ymddangos.
6. Yna gwnewch 'Delete Partition' ar hwn (clic-dde).
7. Bydd y neges 'This is an extended partition. The partition will become inaccessible if you delete it. Are you sure you want to delete this partition?' yn ymddangos - pwyswch 'Yes'.
8. Dewiwswch y prif ymraniad (e.e. C:) a dewis 'Extend Volume' (clic-dde). Gallwch nawr ddefnyddio'r lle newydd i ymestyn i mewn iddo.

A dyna fe. Syml!

Cymerwyd y wybodaeth hon o:

http://thpc.info/dual/vista/dualboot_vista+ubuntu904_bcd_on_vista.html#rmvegrub (tynnu Ubuntu)
http://discussions.hardwarecentral.com/showthread.php?t=180995 (ail-meintio ymraniad Vista)

Cyfieithydd Enwau Cemegol

2010-05-12T00:05:00.004+01:00

Dwi wedi bod yn gweithio ar gyfieithydd enwau cemeg. Dyw e ddim yn gyflawn to, ond byddai unrhyw adborth yn wych.

Enwogion Daniweb

2010-05-11T23:54:00.003+01:00

Ho ho, wedi ymuno gydag enwogion Daniweb y mis hwn: Daniweb Newsletter May 2010 . Yn anffodus, mae Daniweb wedi mynnu newid ei wedd i ryw hunllef mewn piws!

Vive La France

2010-05-01T19:37:00.006+01:00

Sori pawb - dim i wneud â chyfrifiaduron - jest ffilm roedd fy merch, Angharad ynddo. Gofalwch - mae ychydig o iaith anweddus ar yr is-deitlau.

Plupload

2010-04-20T23:07:00.007+01:00

Na, nid Plop!Load - ere swnio'n well. Plupload yw lanlwythwr ffeil neis ar gyfer ffurflenni (www.plupload.com). Mae'n gallu lanlwytho llawer o ffeiliau sy'n osgoi gofod ategu 'file input' newydd pob tro. Hyd yn oed yn well - mae'n rhad ac am ddim.

Yn anffodus, nid oedd y pecyn wedi'i sefydlu'n dda ar gyfer i18n, felly gwnes ychwanegu'r llawn dyrned o dermau Cymraeg gan law. Dyma sgrinluniau:

Cyn ychwanegu

Dyma'r ffeiliau (amnewidwch y rhai gwreiddiol): js.zip

To Bach Alt Gr

2010-04-17T17:47:00.005+01:00

Wedi bod yn defnyddio cyfrifiaduron ers 20 blynedd a dal yn cael trafferth yn ffeindio 'ŷ', 'ŵ' ar ybysellfwrdd ac ati. Wrth gwrs yr un amlwg oedd AltGr, ond tan nawr, dwi erioed wedi clywed am y posibiliad o'i ddefnyddio i osod acenion crymion. Er bod modd gwneud rhywbeth gyda rhaglen 'To Bach'. Nawr byddaf yn gallu defnyddio hyn i osod acenion ar unrhyw gyfrifiadur sy'n rhedeg Windows heb orfod cofio codau 3 a 4 digid neu lawrlwytho To Bach.

Acenion	Cod	Enghraifft
Crymion	AltGr + 6, yna'r llythyren	â = AltGr + 6, a
Disgynedig	` (allwedd marw), yna'r llythyren	à = `, a
Dyrchafedig	AltGr + llythyren AltGr + ', yna'r llythyren	á = AltGr + ', a
Diaraesis	AltGr + 2, yna'r llythyren	ä = AltGr + 2, a
Tild	AltGr + #, yna'r llythyren (a,n,o)	ã = AltGr + #, a
Sedila	AltGr + llythyren (c,C)	ç = AltGr + c

Teimlo fel ffwl nawr.

Datblygiad phpBB yn y Gymraeg

2010-03-06T16:54:00.005Z

Mae'r safle yn datblygu'n iawn yn bresennol. Mae'r ffwythiannau llwytho ffeiliau iaith a datganiadau wedi'u gorffen, yn ogystal â llwytho fersiwn zip i lawr.

Agweddau eraill sydd yn gyflawn yw'r adrannau:

cofrestru
MODs
arddulliau
deall pHp
newid MySQL
canllawiau arsefydlu
Cymraeg Clir
terminoleg
defnydd symbolau

Yr adrannau sydd dal angen sylw yw:

dangos, golygu a dilysu datganiadau
creu pecyn iaith o'r gronfa ddata

phpBB Cymraeg

2010-02-23T22:37:00.003Z

Rwyf wedi dechrau ar brosiect i wneud y gwaith o gyfieithu phpBB yn haws ac i'w ddosbarthu 'mysg nifer o cyfieithwyr. Mae'r dull wedi'i ysbrydoli o fformat poedit a launchpad. Mwy o wybodaeth i ddilyn unwaith i mi ei ddatblygu'n bellach.

Stop

2010-02-23T22:35:00.004Z

Dwi wedi stopio'r cywaith 'trefnydd' am nawr tra fy mod yn edrych ar ffordd arall o wneud hyn. Bydd 'pregmatch' os bosib yn welliant. Diolch i Huw am yr awgrym.

Gwelliannau i'r Trefnydd

2010-02-02T20:13:00.011Z

Gwelliannau o'r sgript gwreiddiol: post yma.

Anghofiais gynnwys trefniant ar gyfer llafariaid. Yn anffodus, nid oedd y fersiwn gwreiddiol yn fy nghaniatáu i osod y drefn gywir, oherwydd roedd yn gweld 'â' fel llythyren ar wahân i 'a', ac ati, felly roedd 'ôl' yn dilyn 'opiwm'.

Yn dilyn sawl llwybr diffrwyth, cefais y syniad o greu 'slug' - sef testun plaen heb acenion.

Felly newidiadau i'r cod:

Ffwythiant amgryptio

function amgryptio($mewnbwn){
global $gw, $sw;
$mewnbwn = preg_replace('~[^\\pL\d]+~u', '-', $mewnbwn);
$mewnbwn = trim($mewnbwn, '-');
if (function_exists('iconv')){
$mewnbwn = iconv('utf-8', 'us-ascii//TRANSLIT', $mewnbwn);
}
$mewnbwn = preg_replace('~[^-\w]+~', '', $mewnbwn);
$all = str_replace($gw,$sw,$mewnbwn);
return $all;
}

Ffwythiant rhestr - tynnu'r canlynol:

function rhestr($mewnbwn){
foreach($mewnbwn as $key => $value) {
if($value == "") {
 unset($mewnbwn[$key]);
}
}

foreach($mewnbwn as &$eitem){
$eitem = stripslashes(amgryptio($eitem)) . "|" . stripslashes($eitem);
}

$array_lowercase = array_map('strtolower', $mewnbwn);
array_multisort($array_lowercase, SORT_ASC, SORT_STRING, $mewnbwn);
/*foreach($mewnbwn as &$eitem){
if($eitem != ""){
 $eitem = dadgryptio($eitem);
}
}*/
return $mewnbwn;
}

Nawr i gael y geiriau yn y drefn cywir:

<ul>
<?php
$i=0;
while($i < count($rhestr)){
$cyntaf = explode('|',$rhestr[$i]);
echo "<li>" . $cyntaf[1] . "</li>";
$i = $i + 1;
}
?>
</ul>

Gallwch weld arddangosiad yma: arddangosiad

Gweinydd Gwe fy Hun!

2010-02-01T16:45:00.006Z

Yn dilyn pestro di-gywilydd parthed mynediad allanol/pHp/MySQL/ffrydio fideo ac ati, mae ein gweinyddwr rhwydwaith wedi cael llond gyts ac wedi dweud fy mod yn gallu cael gweinydd gwe fy hun os dwi'n addo rhoi llonydd iddo. Gôl!
Er, dwi'n dechrau becso nawr - 'stim profiad gennyf o weinyddu gweinydd fy hun - dim ond gweiddi a rantio at westeiwyr pan aiff pethau'n chwith. Yn sydyn, 'dyw hyn ddim yn edrych fel y syniad gorau a gês erioed.

Windows 2003 a XAMPP (fersiwn diweddaraf) gyda DMZ. Tipyn i'w adolygu.

"He who laughs last didn't get the joke."

Trefnu rhestr yn ôl y Wyddor

2010-01-31T23:44:00.013Z

O bois bach - dyna ben tost. Wrth geisio a chael rhestr i ryw fath o drefn sy'n dilyn y wyddor Gymraeg, dwi wedi llwyddo heneiddio 10 blynedd mewn cwpwl o oriau. Daeth y syniad i mi ar ôl darllen 'Canllawiau' BYIG. Mae bron popeth dwi wedi ei greu hyd yn hyn wedi cymryd trefn y wyddor Lladin, gan anwybyddu Ch, Dd, (Ng!).
Wel, os ydym yn addysgu'r wyddor i'n plant, pam nid defnyddio'r drefn arbennig o fewn meddalwedd? Wel 'co ni off 'te.

Ceisiais â dod o hyd at 'collation' arbennig mewn MySQL ond ni chefais lawer o lwc. Hmm, nôl i pHp wrth ei siâp hi.

Dyma'r hyn sydd gennyf ar ôl 3 awr:

$s = array("ž","Ž"); //y nodau amnewid (is-lythyren ac uwch-lythyren)
$gw = array("ch","dd","ff","ng","ll","ph","rh","th","Ch","Dd","Ff","Ng","Ll","Ph","Rh","Th","CH","DD","FF","NG","LL","PH","RH","TH");
$sw = array("c$s[0]","d$s[0]","f$s[0]","g$s[0]","l$s[0]","p$s[0]","r$s[0]","t$s[0]","C$s[0]","D$s[0]","F$s[0]","G$s[0]","L$s[0]","P$s[0]","R$s[0]","T$s[0]","C$s[1]","D$s[1]","F$s[1]","G$s[1]","L$s[1]","P$s[1]","R$s[1]","T$s[1]");

Mae'r uchod yn defnyddio z/caron er mwyn amnewid gydag ail nod ein llythrennau dwbl. Hefyd mae ng yn newid i gž.

function amgryptio($mewnbwn){
 global $gw, $sw;
 $all = str_replace($gw,$sw,$mewnbwn);
 return $all;
}


function rhyddiaith($mewnbwn,$arae=true){
 if($arae==true){
  $all['mewnbwn'] = trim($mewnbwn);
  $all['testun'] = amgryptio($all['mewnbwn']);
  $neg = substr_count($all['testun'],"ž");
  $neg += substr_count($all['testun'],"Ž");
  $bwlch = substr_count($all['testun']," ");
  $all['nod'] = strlen($all['testun']);
  $all['llyth'] = $all['nod'] - $neg;
  $all['hebbwlch'] = $all['nod'] - $neg - $bwlch;
 }else{
  $all = amgryptio($mewnbwn);
 }
 return $all;
}
  
function rhestr($mewnbwn){
 foreach($mewnbwn as $key => $value) { 
  if($value == "") { 
   unset($mewnbwn[$key]); 
  }
 } 
  
 foreach($mewnbwn as &$eitem){
  $eitem = stripslashes(amgryptio($eitem));
 }
  
 $array_lowercase = array_map('strtolower', $mewnbwn);
 array_multisort($array_lowercase, SORT_ASC, SORT_STRING, $mewnbwn);
 
 foreach($mewnbwn as &$eitem){
  if($eitem != ""){
   $eitem = dadgryptio($eitem);
  }
 }
 return $mewnbwn;
}

function dadgryptio($mewnbwn){
 global $gw, $sw;
 return str_replace($sw,$gw,$mewnbwn);
}

Dyma'r cod sy'n rhedeg wrth i'r ffurflen gael ei hala:

if(isset($_POST['sub'])){
 $mawr = stripslashes($_POST['mewnmawr']);
 
 $mewns= $_POST['mewn'];
 
 $mewnbwn = rhyddiaith($mawr,true);
 $mewn = rhyddiaith($mawr,false); 
 
 $rhestr = rhestr($mewns);
}

Gallwch weld arddangosiad yma: arddangosiad

Hacio'r Iaith, Abersytwyth

2010-01-30T10:48:00.012Z

Cyrhaeddais (o'r diwedd) yn Aber ar ôl llithro a rhegu dros fynyddoedd y canolbarth. Bu bron i mi gael gwersi hedfan ger Eisteddfa Gurig! Beth bynnag, yn dilyn ugain munud o chwilio, ffeindiais y neuadd. 'Nabod neb ond criw cyfeillgar iawn. Roedd yn grêt cael cwrdd â phobl dwi ond wedi'u siarad â nhw trwy fforymau ac e-bost. Dyna'r rhaglen a oedd modd i mi ei mynychu:

Sesiwn 1
Aran a Neal: "Say Something in Welsh"

Sesiwn 2
Rhoslyn a Gruff: Ail-lansio www.meddal.com
Cyflwyno saltcymru.com hefyd

Sesiwn 3
Llên Natur (www.llennatur.com)

Sesiwn 4
John: Seibercofis - mae pob plentyn ysgol angen cyfrifiadur

Sesiwn 5
Hywel: Data Ysgolion Cymru (BYIG) - gosod ysgolion gyda data ieithyddol i Google Earth

Sesiwn 6
Rhys ac Iwan: Lleoleiddio

Yn anffodus, roedd yn rhaid i mi adael yn dilyn y sesiwn ar leoleiddio. Diolch i bawb am drefnu'r digwyddiad. Defnyddiol iawn a chyfle i gael osod wyneb at enw. Taith hir yn ôl i Bontyclun, er daeth siop sgods-a-sglods Rhaeadr yn handi iawn i dorri lan y siwrne.

Hoffwn ddiolch i Jeremy o BYIG am ei awgrymiadau parthed Cymreigio'r cyfrifiadur.